Trip

Trip kitang i-treat pero di kita mapilit
Sa schedule mong masikip di ako maisingit
Pagdasal mo lang na sana huwag akong mainip
Sige ka di mo matitikman halik at yakap kong mahigpit

Sabi mo sa aki'y huwag akong mainip
Huwag magmadali anumang pananabik
Pag-asa ko naman daw ay nakakahigit
Sa ibang nagnanais na puso mo'y masungkit

Hindi naman sa ako ay nagmamadali
Sadya lamang talagang nais na kitang i-treat
Sa isang trip na kailanma'y hindi mawawaglit
Sa iyong alaala tiyak na di madedelete

Kaya't kung mamarapatin iyo nang idikit
Puso ko sa puso mo oh anong lagkit
Wala nang datapwa't subalit o ngunit
Kung mahal mo ako iyo nang isambit
Sabayan mo pa ng hug at isang matamis na kiss!